پاکستان اور سری لنکا کے درمیان ٹی ٹوئنٹی سیریز کے ٹکٹوں کی فروخت کا اعلان

پاکستان اور سری لنکا کے درمیان ٹی ٹوئنٹی سیریز کے ٹکٹوں کی فروخت کا اعلان کردیا گیا۔

تفصیلات کے مطابق ٹی ٹوئنٹی انٹرنیشنل سیریز کے ٹکٹ آج سہ پہر 3 بجے سے آن لائن دستیاب ہوں گے جس کی کم از کم 200 روپے مقرر کی گئی ہے۔

ٹی ٹوئنٹی انٹرنیشنل سیریز کے فزیکل ٹکٹ 5 اکتوبر سے دستیاب ہوں گے۔

پہلے دو ٹی ٹوئنٹی انٹرنیشنل میچز کے جنرل ٹکٹ 300 روپے سے شروع ہوں گے جبکہ تیسرے ٹی ٹوئنٹی کے جنرل ٹکٹ کی کم از کم قیمت 200 روپے مقرر کی گئی ہے۔

پہلے دو ٹی ٹوئنٹی انٹرنیشنل میچز کے وی آئی پی ٹکٹ ایک ہزار روپے اور تیسرے ٹی ٹوئنٹی کے وی آئی پی ٹکٹ 800 روپے سے دستیاب ہوں گے۔

سہ ملکی ون ڈے انٹرنیشنل سیریز کے ٹکٹ 10 اکتوبر سے آن لائن دستیاب ہوں گے۔

تین ملکی ون ڈے انٹرنیشنل سیریز 18 سے 31 اکتوبر تک راولپنڈی اور لاہور میں کھیلی جائے گی۔